أقوى جروحى .( عاميه )

بعد ما ماتت الطيبه

جوا قلبك وقلبى

بعد الفراق والغيبه

راجعين نقول

ذنبك وذنبى

بعد الجراح

ما ارتاحت

والأيام عدت

وراحت

جينا نرمى اللوم

وإنت مظلوم

وأنا مظلوم

لما إحنا كده مظاليم

سبب البعاد كان إيه

لما إحنا كده مظاليم

بعادنا كان ليه

إخترنا نكون إتنين

وطريقنا بقه طريقين

وراح كل واحد فى وادى

ونهايته أدى الأيادى

ما بقتش ماسكه فى بعضها

مهما حاولنا نمدها

خلاص ما عادش يفيد

مابقتش الإيدين طايله

دلوقت ندمنا شديد

وع الخد الدموع سايله

مش هيفيد الندم

ولا الدموع هتفيد

الحلم خلاص إتهدم

وعماله الهموم بتزيد

والقلب فيه جرحين

مايداويهم دوا

القلب فيه جرحين

كان سببهم الهوى

جرح خيانة الأحباب

وعذابه أشد عذاب

وجرح روحى لروحى

أقوى جروحى .